Rossiyada ushbu mamlakatda oxirgi o‘n yilda fuqarolikni olgan shaxslarni, xususan, Markaziy Osiyo davlatlari — O‘zbekiston, Qirg‘iziston, Qozog‘iston va Tojikiston vakillarini “qisman harbiy safarbarlik” doirasida harbiy xizmatga jalb qilish bo‘yicha taklif tayyorlanmoqda. Bu haqda Milliy korrupsiyaga qarshi kurashish qo‘mitasi raisi, Rossiya prezidenti huzuridagi Inson huquqlari bo‘yicha kengash a’zosi Kiril Kabanov ma’lum qildi.
“Rossiya Federatsiyasi Prezidenti tomonidan eʼlon qilingan qisman safarbarlik doirasida mamlakatning 10 yildan kam muddatga Rossiya fuqaroligiga ega boʻlgan yangi fuqarolari uchun, xususan, Markaziy Osiyo mamlakatlari fuqarolari uchun bir yil muddatga majburiy harbiy xizmatni oʻtash boʻyicha takliflar tayyorlamoqdamiz: Qozogʻiston, Qirgʻiziston, Tojikiston va Oʻzbekiston. Harbiy burchni bajarishdan bosh tortish nafaqat harbiy xizmatga majbur bo‘lgan shaxsni, balki uning oila a’zolarini ham Rossiya fuqaroligidan mahrum qilishga olib kelishi kerak”,— deb yozga u o‘zining Telegram kanalida.
Shuningdek, siyosatchi ushbu xarakatlardan maqsadni ham ochiqladi.
“Ushbu tashabbusning amalga oshirilishi yuqorida ko‘rsatilgan mamlakatlar hukumati tomonidan o‘z fuqarolarining Ukrainadagi urushda ixtiyoriy ravishda ishtirok etishini rasman taqiqlashiga adekvat javob bo‘ladi, buning uchun ular o‘z vatanlarida jinoiy jazoga tortiladi”,– deydi Rossiya prezidenti huzuridagi Inson huquqlari bo‘yicha kengash a’zosi va Milliy korrupsiyaga qarshi kurashish qo‘mitasi raisi Kiril Kabanov.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!