Rossiya terma jamoasi sobiq bosh murabbiyi Stanislav Cherchesov Vengriyaning “Ferensvarosh” klubi bilan shartnoma imzoladi.
Taqdimot marosimidan soʻng 58 yoshli mutaxassis yangi klubini Vengriya chempioni qilmoqchi ekanligini aytib oʻtdi: “Budapeshtliklarni yana Vengriya futboli taxtiga olib chiqib, stadionni muxlislar bilan toʻldirmoqchiman. Shuningdek Chempionlar Ligasining guruh bosqichiga chiqish – rejalarimda bor”.
Eslatib oʻtish mumkin, Cherchesov 2016-2021 yillar davomida Rossiya terma jamoasi bosh murabbiyi sifatida faoliyat yuritdi va jamoani 2018-yilgi Jahon Chempionatining chorak finaligacha olib kelgan edi. Ammo yozda oʻtkazilgan Yevropa chempionatidagi qoniqarsiz natijalardan soʻng, Stanislav Salamovich isteʼfoga chiqarilgan.
Budapesht klubida rossiyalik mutaxassisga Miroslav Romashyenko, Gintaras Stauche va Vladimir Panikovlarning yordam berishi kutilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!