Rossiya-Ukraina urushi oqibatida 1351 nafar rus askari halok bo‘lgan, 3825 nafari esa jarohatlangan. Bu haqda Rossiya Federasiyasi Qurolli kuchlari Bosh shtabi boshlig‘ining birinchi o‘rinbosari, general-polkovnik Sergey Rudskoy ma’lum qildi.

“Afsuski, maxsus harbiy operatsiya davomida quroldoshlarimiz orasida yo‘qotishlar bo‘lmoqda, shu kungacha 1351 nafar harbiy xizmatchi halok bo‘ldi, 3825 nafari jarohat oldi”, – dedi Rudskoy.

Qayd etilishicha, davlat ularning oilalari qo‘llab-quvvatlanishi, jumladan, kreditlari to‘lanishi, uy-joy masalasi hal qilinishi va bolalarining oliy o‘quv yurtlarida o‘qishini o‘z zimmasiga oladi.

BBC’ga ko‘ra, Rossiyada halok bo‘lgani tasdiqlanganlar orasida 1 nafar general-mayor, 7 nafar polkovnik, 1 nafar birinchi darajali kapitan, kamida 9 nafar podpolkovnik, 20 nafar mayor va 70 nafardan ortiq kichik ofiserlar mavjud.

• Qurolli Kuchlar
• Rossiya
• Ukraina