Rossiya Adliya vazirligi mashhur bloger Ilya Varlamov va Agora xalqaro inson huquqlari tashkiloti rahbari Pavel Chikovni xorijiy agentlar, deb e’lon qildi. Bu haqda “Meduza” nashri xabar bermoqda.

“Varlamov va Chikov davlat organlari tomonidan qabul qilingan qarorlar va ularning siyosati to‘g‘risida noto‘g‘ri ma’lumot tarqatgan”, – deyiladi Rossiya Adliya vazirligi ma’lumotida.

Bundan tashqari, Rossiya Federatsiyasi Adliya vazirligi ma’lumotlariga ko‘ra Varlamov xorijiy manbalardan yordam olgan, Chikov esa xorijiy agentlar tomonidan materiallarni yaratish va tarqatishda ishtirok etgani iddao qilinmoqda.

Shuningdek, “xorijiy agentlar” reyestriga Svetlana Lada-Rus, siyosatshunos Ruslan Aisin, “Dojd”ning sobiq jurnalisti Bogdan Bakaleyko kiritilgan.