Rossiyalik taniqli teleboshlovchi Yelena Malisheva turmush oʻrtogʻi bilan birgalikda Toshkent shahriga tashrif buyurdi. Ijtimoiy tarmoqlarda uning “Chorsu” bozorida xaridlarni amalga oshirib yurgani aks etgan videorolik paydo boʻldi.
“9-may bayrami munosabati bilan Toshkentga keldik. Oʻzbekistonda bu davlat bayrami va dam olish kunidir. Ushbu sanani “Xotira va qadrlash kuni” deb atashadi. Mening fikrimcha, juda chiroyli. Toshkent bizni memondoʻstligi va odamlarning mehr-muhabbati, samimiyligi bilan chulgʻab oldi”, deydi teleboshlovchi.
Ijodkor Toshkentga tashrif buyurmoqchi boʻlgan sayyohlarga bir nechta tavsiyalar ham berib oʻtgan.
“Milliy taomlarning eng yaxshisini bozorlarda tatib koʻrishingiz mumkin. Oʻzbek bozorlari – ertakning oʻzginasi! Bu yerdagi eng oddiy kafeda tayyorlangan taom ham tasavvur qilish imkonsiz boʻlgan darajada mazali! Bizning tajribamizga ishoning, bozordagi taomlar 5 yulduzli mehmonxona yoki restoranda tayyorlangan ovqatlardan MAZALIROQ! Palov va somsadan ham tatib koʻrishni unutmang. Hayotimda bundan mazaliroq hech narsa yemaganman. Toshkentdagi “Chorsu” bozorida tayyorlanadigan somsa istalgan restorandagi somsadan mazaliroq. Palov-chi? Gap-soʻz boʻlishi mumkin emas!”, deydi Malisheva.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!