Fransiyada davom etayotgan “Katta Dubulg‘a” turkumiga kiruvchi “Rolan Garros” turnirida 1/2 final ishtirokchilari ma’lum bo‘ldi.

Dunyoning yettinchi raketkasi Andrey Rublyov besh set davom etgan chorak final uchrashuvida ATP reytingida 23-o‘rinni egallab turgan xorvatiyalik Marin Chilichga imkoniyatni boy berib qo‘ydi - 7/5, 3/6, 4/6, 6/3, 6/7(2).

To‘rt soatu 14 daqiqa davom etgan bahsda Andrey 15 ta, Chilich esa 33 ta eys zarbani amalga oshirdi. Tennischilarning o‘zaro uchrashuvlarida Rublyov hamon oldinda bormoqda - 4:3.  

E’tiborlisi shundaki, Rublyov “Katta Dubulg‘a” turnirlarining chorak finaliga besh marotaba yetib kelgan bo‘lsa, barchasida mag‘lubiyat alamini totib ko‘rgan.

Eslatib o‘tamz, kecha mazkur bosqichda "tennis klassikosi" Novak Jokovich va Rafael Nadal to‘qnash kelishdi va unda ispaniyalik tennischi g‘alaba qozongan edi.

• Tennis
• Xorij