Samarqandda kelin kelishmovchilik sabab qaynonasini g‘isht bilan urib o‘ldirdi. Bu haqda Bosh prokuratura matbuot kotibi “Xabardor.uz”ga ma’lum qildi.

Qayd etilishicha, 2022-yilning 19-oktyabr kuni soat 19:30 larda Urgut tumani IIB navbatchilik qismining 102 raqamiga “Chag‘izmon” mahallasida yashovchi fuqaro F.Sh. murojaat qilib, unda soat 19:00 da onasi Maysara Sodiqovani (1977-yilda tug‘ilgan) yashash uyida chaqirgan vaqtida hech kim javob bermagani sababli uning xonasiga kirgan hamda onasining murdasi tan jarohatlari bilan jonsiz holda yotganini ma’lum qilgan.

Voqea joyiga viloyat prokuraturasi rahbariyati, Urgut tuman prokurori, IIB rahbariyati hamda tergov tezkor guruhi voqea joyiga yetib borgan.

Mazkur holat yuzasidan tuman prokuraturasi tomonidan O‘zbekiston Respublikasi JKning 97-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

Olib borilgan tergov-surishtiruv ishlari davomida marhuma M.R. va kelini M.Q. (1996-yilda tug‘ilgan) o'rtasidagi kelishmovchilik natijasida gumonlanuvchi yashash hovlisidagi g‘isht bo‘lagi bilan marhumaning bosh qismiga urib, tan jarohati yetkazgan. M.S. voqea joyida vafot etgan, gumonlanuvchi M.Q. esa Urgut tumani So‘fiyon MFYdagi ota uyiga ketib qolgani aniqlanib, qo‘lga olingan.

• Bosh prokuratura
• Qotillik
• Samarqand