Samarqand viloyati Urgut tumanida joriy yil 15-may kuni fuqaro akasi va otasini o‘ldirib, uyining tomorqasiga ko‘mib qo‘ydi. Bu haqida viloyat prokuraturasi axborot xizmati xabar berdi.
Ma’lum bo‘lishicha, 2022-yil 7-iyun kuni soat 19:30 larda, Urgut tumani “Navbog‘” ko‘chasida yashovchi fuqaro J.M. tuman IIBga murojaat qilib, unda otasi B.M. va ukasi Sh.Mirzayevlar uyida yo‘qligi, qo‘l telefon raqamlari ishlamayotganligi ularni topishda amaliy yordam berishni so‘ragan.
Shundan so‘ng, mazkur voqea yuzasidan IIB xodimlari tomonidan tergovga qadar tekshiruv olib borilgan va vahshiy jinoyatni aniqlashgan. Ushbu jarayonda Sh.M. tuman IIBga aybini bo‘yniga olish to‘g‘risida ariza bilan murojaat qilgan.
Shundan so‘ng, 2022-yil 15-may kuni soat taxminan 07:00 da otasi B.M. va akasi Sh.M.lar bilan janjallashib qolib, uy-xo‘jaligida foydalangan bolta va oshxona pichog‘i bilan dastlab akasi Sh.M.ni so‘ngra otasi B.M. ni tanasining turli sohalariga bir necha marotaba urib, ularni qasddan o‘ldirgan va yashash uyining tomorqasiga ko‘mganligini ma’lum qilgan.
Sh.M. ning tushuntirishiga asosan uyning tomorqa qismi ko‘zdan kechirilganda, B.M. va Sh.M.ning jasadi qotillik alomatlari bilan topilgan. Holat yuzasidan sud tibbiy ekspertizasi tayinlangan.
Mazkur holat yuzasidan Urgut tuman prokuraturasi tomonidan Sh.M. ga nisbatan Jinoyat kodeksining 97-moddasi 2-qismi “a” bandi bilan jinoyat ishi qo‘zg‘atilib, Jinoyat-prosessual kodeksining 221-moddasi tartibida ushlanib, gumonlanuvchi sifatida jalb qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!