“Samsung” kompaniyasi smartfonlar uchun turli yo‘nalishlarda buklanadigan egiluvchan ekranni taqdim etdi.

Qayd etilishicha, smartfonlar uchun 360 daraja buklanadigan ekran prototipi “Samsung Display” tomonidan namoyish etilgan.

“Display” egiluvchan smartfonlar uchun mo‘ljallangan bo‘lib, uni ichkariga va tashqariga yig‘ish mumkin. Bunga yupqa “oshiq-moshiq” yordamida erishilgan. Bundan tashqari, yangi mexanizm ekrandagi burmani deyarli ko‘rinmas holga keltiradi.

Yopiq holatda, displeylar bir-biriga to‘liq tegmaydi. Ularning orasida kichik masofa qoladi.

“Samsung” yangi smartfonlarni ushbu ekran bilan jihozlashni qachon boshlashi hozircha noma’lum. Joriy yil yoz faslida sotuvga chiqariladigan “Samsung Galaxy Z Fold 5” smartfoni xuddi shunday dizaynda ishlab chiqarilishi mumkin. Mish-mishlarga ko‘ra, “Galaxy Z Fold 5” yangi ko‘zga tashlanmaydigan burmaga ega bo‘ladi.

Agar bu haqiqat bo‘lib chiqsa, “Galaxy Z Fold 5” turli yo‘nalishlarda buklanish imkoniyatiga ega bo‘lgan birinchi “Samsung” smartfoni bo‘ladi. Ilgari kompaniyaning barcha bukiluvchi qurilmalari faqat bitta yo‘nalishda yopilib-ochilgani g‘isobga olinsa, bu gadjetlar olamida tub burilish bo‘lishi mumkin.

Qayd etishsh mumkin, “Samsung Galaxy Fold” – buklanadigan ekranli smartfon (“Samsung Electronics” tomonidan yaratilgan moslashuvchan qurilma). U 2019-yil 21-fevralda taqdim etilgan. U “Samsung Galaxy Z” seriyasining bir qismidir.

“Galaxy Fold” prototipi va uning yig‘iladigan ekrani (moslashuvchan displey) xususiy One UI qobig‘i bilan birga 2018-yil noyabr oyida “Samsung Developer” konferensiyasida namoyish etilgan.

Qayd etish mumkin, bir tomonlama buklanuvchi ekranli “Galaxy Z Fold 4” smartfonining maksimal narxi 1799 AQSH dollarini tashqil qilar edi. Endilikda 360 darajagacha buklanadigan ekranli super smartfon narxi bundan-da qimmatroq bo‘lishi aniq.

• Samsung
• Taqdimot
• texnologiya