Ikki samolyot Saudiya Arabistonidan Rzeshov aeroportiga Ukraina aholisi uchun moʻljallangan 168 tonna gumanitar yordamni yetkazdi. Bu haqda Saudiya Arabistoni matbuot agentligi xabar berdi.

Uning so‘zlariga ko‘ra, Saudiya Arabistoni tomonidan yuborilgan gumanitar yuk qurilish materiallari, elektr generatorlari va dori-darmonlardan iborat.

Saudiya Arabistoni tashqi ishlar vaziri Faysal bin Farxon Al Saud joriy yilning 26-fevral kuni Ukrainaga mamlakatlar o‘rtasida diplomatik munosabatlar o‘rnatilganidan keyin birinchi tashrifini amalga oshirdi. Ukraina prezidenti Volodimir Zelenskiy bilan uchrashuv yakunlari bo‘yicha o‘tkazilgan matbuot anjumanida u “qirollik keskinlikni pasaytirish va tinchlikka erishishga yordam beradigan har qanday tashabbusni qo‘llab-quvvatlashdan manfaatdor ekanligini” aytdi.

Qirollik tashqi ishlar vaziri Ukrainaga insonparvarlik yordami sifatida 410 million dollar ajratish qarorini e'lon qildi. Ar-Riyod va Kiyev o‘rtasida bir qancha kelishuvlar, jumladan, Ukrainaga 300 million dollarga yaqin neft mahsulotlarini yetkazib berishni nazarda tutuvchi o‘zaro anglashuv memorandumi imzolandi. Qolgan mablag‘lar – taxminan 100 million dollar Qirol Salmon nomidagi insonparvarlik yordami va gumanitar operatsiyalar markazi dasturini amalga oshirishga yo‘naltiriladi.

• Gumanitar yordam
• Saudiya Arabistoni
• Ukraina