“Союзмультфильм” mashhur “Ну, погоди!” (“Senimi, shoshmay tur!”) multfilmining yangi formatdagi ilk qismini eʼlon qildi. Unda boʻri va quyonning qiziqarli sarguzashtlari aks etadi, eski qahramonlar bilan bir qatorda Bugʻu, Boʻrsiq kabi yangi obrazlar ham koʻrinish beradi. Boʻriga qiziqchi Garik Xarlamov, quyonga esa Dmitriy Xrustalevlar ovoz bergan.

Multfilmning tizeri taqdim etilganidan keyin internet foydalanuvchilarining aksariyati u haqida salbiy fikr bildirishgan. Foydalanuvchilar eski filmlarni yangilashga hech qanday ehtiyoj yoʻq ekanligini aytib, multfilmni qizgʻin muhokama qilganlar.

Multfilm mualliflari esa foydalanuvchilarning yangi versiya haqida salbiy fikr bildirishlarini avvaldan taxmin qilganlarini aytib oʻtganlar. Ularning fikricha, foydalanuvchilarning bunday munosabati hayratlanarli emas, tomoshabinlarning aksariyati yoshi kattalar boʻlgani uchun ham ular multfilmning klassik versiyasini yaxshi eslashadi, salbiy munosabatga ham aynan mana shu narsa sabab boʻlgan.

• Madaniyat
• San’at
• qiziqarli