Shakira davlat soliqlarini to‘lamagani uchun sud qilinishi mumkin.
Barselona prokuraturasi xonandani oltita soliq jinoyati bo‘yicha sudga berishni buyurdi.
Keltirilishicha, Ispaniya prokuraturasi superyulduzni sakkiz yilga ozodlikdan mahrum qilishini va agar u aybdor deb topilsa, yana 23,8 million yevro jarimaga tortishini ma’lum qilgan.
Xonanda ilgari prokurorlar tomonidan taklif qilingan kelishuvni rad etib, sudga borishni afzal ko‘rgan edi.
Ushbu ayblovlar markazida Shakiraning 2012 va 2014-yillardagi rezidentlik maqomi bo‘lib, o‘shanda prokurorlar uning Ispaniyada yashayotgani, lekin rasmiy qarorgohini boshqa joyda ko‘rsatganligini da’vo qilgan.
So‘ng, Shakiraning 2012-yilda Barselonada uy sotib olgani, uning o‘sha paytdagi sherigi futbolchi Jerar Pike uchun oilaviy uyga aylangani haqida hujjat tayyorlangan edi.
Advokatlarning ta’kidlashicha, 2014-yilgacha Shakira daromadining katta qismi xalqaro gastrollardan kelgan va u ko‘p vaqtini Ispaniyadan tashqarida o‘tkazgan.
Ma’lumot uchun, 2019-yilda Pike ham 2008-2010 yillar oralig‘ida soliq to‘lashdan bo‘yin tovlagani uchun Ispaniya milliy sudi tomonidan 2,1 million yevro jarimaga tortilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!