Germaniyalik olimlar shamollashdan qutulishga xalal beradigan asosiy xatolarni sanab oʻtishdi.
Ularning eng birinchisi – burun uchun moʻljallangan spreylardan meʼyoridan koʻp foydalanishdir. Mutaxassislarning aytishlaricha, haddan tashqari koʻp qoʻllanilganda burun spreylari uning shilliq qavatiga zarar yetkazadi va bemor tez orada spreyga koʻnikib qoladi.
Shifokorlar burunga sepiluvchi spreylardan bir haftadan koʻp foydalanmaslikni tavsiya qilganlar, aks holda shilliq qavat doimiy dozaga juda tez oʻrganadi va natijada surunkali tumov paydo boʻladi.
Ikkinchi zararli odat esa tana haroratini maxsus preparatlar yordamida tezlik bilan tushirishga urinish hisoblanadi. Shifokorlar tana harorati bolalarda 38 darajagacha, kattalarda esa 38,5 darajagacha boʻlgan holatda tana haroratini dori vositalari yordamida tushirishni tavsiya qilishmaydi.
“Isitma immun tizimiga kasallik tarqatuvchi mikroorganizmlar bilan yaxshiroq kurashishga yordam beradi. Yuqori tana harorati kerakli himoya reaksiyasini tezlashtiradi”, deydi mutaxassislar.
Shifokorlar shamollashga yuzaki qaramaslikni, kasallik alomatlari paydo boʻlishi bilan mutaxassisga murojaat qilishni tavsiya etishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!