Ovoz kuchaytirgichlar bilan “jihozlangan” robo-itlar Shanxay ko‘chalarida odamlarni karantin talablariga rioya etishlari haqida ogohlantirib yuribdi.

Shanxay maʼmuriyati odamlarni karantin talablariga rioya etishlari haqida doimiy ogohlantirib turishning xavfsiz va noodatiy usulidan foydalanishmoqda. Ular ovoz kuchaytirgich moslamani robot-itga o‘rnatib shahar ko‘chalari bo‘ylab “qo‘yib yuborishdi”. Robotlar xotirasiga yuklangan – “Niqob taqib, qo‘llaringizni yuving va tana haroratingizni o‘lchang!” mazsundagi jumlalarni takrorlaydi.

 “It”, shuningdek, odamlarni biroz cho‘chitish maqsadida akillash ohangida yangraydigan ayrim jumlalarni ham “aytadi”.

“Sizning bu yurishingiz karantin qoidalariga zid” yoki “iltimos, tez uyga kiring, aksʼholda siz tegishlicha jazolanasiz” kabi so‘zlar bilan ham ogohlantiradi.

Maʼlumot uchun, ayni vaqtda Shanxayda ikki bosqichli karantin tartiblari rioya qilmoqda. Jumladan, aholining ko‘chaga chiqishi ham ikki smenada, almashib amalga oshirilyapti.

Martning so‘nggida xitoy shaharlarida 30 mingdan ko‘proq koronavirus bilan kasallanish holatlari kuzatilgan.

• IT
• Xitoy
• karantin
• robot