Prezident Shavkat Mirziyoyev Turkiyaning Istanbul shahri Beyo‘g‘li tumanidagi Istiqlol ko‘chasida yuz bergan portlash oqibatida ko‘plab insonlar qurbon bo‘lgani va jiddiy jarohat olgani munosabati bilan Prezident Rajap Tayyip Erdo‘g‘anga ta’ziya yo‘lladi. Bu haqda prezident matbuot kotibi Sherzod Asadov ma’lum qildi.

Qayd etilishicha, davlat rahbari vafot etganlarning oila a’zolari hamda yaqinlariga taskin-tasalli va bardamlik, jarohat olganlar tez fursatda sog‘ayib ketishini tilagan.

Eslatib o‘tamiz, 13- noyabr kuni Istanbulda terakt uyushtirildi. Shahar gubernatori Ali Yerlikayaning ma’lum qilishicha, hujum oqibatida jami 81 kishi jarohatlangan, 6 nafar vafot etgan, 50 nafar jabrlanuvchi davolanib, shifoxonalardan chiqarilgan, 31 kishi hamon shifokorlar nazoratida.

• Erdogʻan
• Shavkat Mirziyoyev