22°
Kechasi 10°
BAAning Abu-Dabi shahrida shaxmat boʻyicha “28th Abu Dabi International Chess Festival” xalqaro turniri oʻz yakuniga yetdi.
Musobaqada 31 mamlakatdan kelgan 148 nafar shaxmatchi gʻoliblik uchun bahs olib borishdi. Ular orasida FIDE tasnifida yuqori oʻrinlarni egallab turgan xitoylik Vang Xao (2735 reyting ochkosiga ega), rossiyalik Yevgeniy Tomashevskiy (2702), Hindiston vakili Arjun Erigaisi (2689) kabi ancha nomdor grossmeysterlar ham bor edi.
Xalqaro turnirda qatnashgan isteʼdodli shaxmatchimiz Javohir Sindorov 9 imkoniyatdan 7 ochko jamgʻardi va yakunda 2-oʻrinni egalladi. 1-oʻrinni esa 7,5 ochko jamgʻargan hindistonlik Arjun Erigaisi egalladi. Kuchli uchlikka Niderlandiya vakili Jorden Van Forest yakun yasab berdi.
Shuningdek, Abu-Dabi turnirida yana bir nechta shaxmatchimiz oʻz imkoniyatlarini sinovdan oʻtkazishdi. Unga koʻra, Nodirbek Yoqubboyev 6,5 ochko bilan 5-oʻrindan joy olgan boʻlsa, 6 ochko jamgʻargan Shamsiddin Vohidov 20-pogʻonani band etdi. 5,5 ochko toʻplagan Nilufar Yoqubboyeva 40-pogʻonani egalladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
