Polshaning Varshava shahri mezbonlik qilgan rapid shaxmat bo‘yicha jahon chempionati nihoyasiga yetdi.
Sovrin jamg‘armasi 1 million dollar bo‘lgan turnirda ishtirok etgan 17 yoshli hamyurtimiz Nodirbek Abdussatorov sensatsiya qayd etib, jahon chempioniga aylandi.
13 turdan iborat chempionat yakunlariga ko‘ra, Nodirbek 9,5 ochko to‘plagan holda, 1-o‘rinni qo‘lga kiritdi. So‘ngi turda u bilan bir xil ochko to‘plagan rossiyalik Yan Nepomnyashiy chempionlik uchun tay-brekda o‘zaro kuch sinashdi va 17 yoshli sportchimiz g‘alabaga erishib, jahon chempioniga aylandi!
Qayd etish lozimki, Nodirbek chempionat davomida amaldagi jahon chempioni Magnus Karlsen, shuningdek Levon Aronyan kabi shaxmat yulduzlarini mag‘lubiyatga uchratib, butun dunyoni hayratga soldi.
E’tiborga jihati shundaki, Mustaqil Davlatlar Hamdo‘stligining norasmiy sammiti bo‘lib o‘tgan Sankt-Peterburgdan Toshkentga qaytayotgan samolyotda Prezidentimiz Shavkat Mirziyoyev va butun delegasiya tezkor shaxmat bo‘yicha jahon chempionatida hamyurtimiz ishtirokini katta qiziqish bilan onlayn kuzatib bordi.
Davlatimiz rahbari shaxmatning rapid yo‘nalishi bo‘yicha yangi va eng yosh jahon chempioniga o‘zining eng samimiy tabriklarini yo‘lladi hamda uning ota-onasi va murabbiylariga minnatdorlik bildirdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!