Gollivudning taniqli aktyori va siyosatchi Arnold Shvarsenegger 10 yil davom etgan sud jarayonidan keyin rafiqasi Mariya Shrayver bilan rasman ajrashdi.

Mariya Shrayver aktyor bilan ajrashish istagi haqida 2011-yilda eʼlon qilgan, bunga Shvarseneggerning xiyonati sabab boʻlgan. Ajrimning rasman eʼlon qilinishi uchun esa roppa-rosa 10 yil vaqt kerak boʻldi.

Sud jarayonining bunchalar uzoq davom etishi mol-mulkni taqsimlash masalasidagi murakkabliklar bilan izohlangan. Maʼlumotlarga koʻra, juftlik sud jarayonida 400 million AQSh dollari miqdoridagi pulni teng yarmidan boʻlib olishgan.

Eslatib oʻtamiz, Arnold Shvarsenegger Mariya Shrayver bilan 1986-yilda turmush qurgan va 25 yil birga hayot kechirgan. Juftlikning toʻrt nafar farzandlari bor.

• Kino
• Madaniyat
• mashhurlar