Butunxitoy xalq vakillari kengashi deputatlari Si Szinpinni qayta sayladilar. U mamlakat tarixida uchinchi muddatga saylangan birinchi rais bo‘ldi. Shuningdek, Szinpin yana Xitoy Xalq Respublikasi Markaziy harbiy kengashi rahbari lavozimini ham egalladi.
Xabarlarga ko‘ra, qaror bir ovozdan qabul qilingan va ovoz berishda 2952 kishi ishtirok etgan. Bundan tashqari, Davlat kengashi bosh vazirining birinchi o‘rinbosari Xan Chjen Xitoy Xalq Respublikasi vitse-prezidenti etib tayinlandi. Xitoy Kommunistik partiyasi Markaziy qo‘mitasi Siyosiy byurosi doimiy qo‘mitasi a’zosi Chjao Leji XXR Doimiy qo‘mitasi raisi lavozimiga tayinlangan.
Ovoz berish Butunxitoy xalq vakillari kengashining 14-chaqiriq birinchi sessiyasining uchinchi yalpi majlisida o‘tkazilgan. “Sinxua” nashri xabariga ko‘ra, bundan biroz avval deputatlar Xitoy Xalq Respublikasi Davlat kengashi apparatini isloh qilish rejasini ham ma’qullagan.
Qayd etish mumkin, Davlat kengashi Xitoyning eng yuqori ijro etuvchi organidir. Yakuniy islohot rejasi hali e’lon qilinmagan. Ma’lumki, u Xitoy Kommunistik partiyasining “markazlashgan rahbariyatini” kuchaytiradi va davlat apparati samaradorligini oshirishga qaratilgan.
Si Szinpin hozirda 69 yoshda. U 2012-yilda Xitoy Kommunistik partiyasi markaziy qo‘mitasi bosh kotibi bo‘lgan, 2013 va 2018-yillarda Xitoy Xalq Respublikasi raisi etib saylangan. 2017 va 2022-yillarda u qaytadan Kommunistik partiya Markaziy qo‘mitasi Bosh kotibi lavozimiga munosib ko‘rilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!