Rossiya prezidenti Vladimir Putin matbuot kotibi Dmitriy Peskov Belarus televideniyesiga intervyu berib, kimlarni “davlat dushmani” deb hisoblamasligini aytdi.
“(Kseniya) Sobchak, (Ivan) Urgant, (Regina) Todorenko – ular davlat dushmani emas. Hammasi boshlanganda, baʼzi odamlar qoʻrqib ketdi. Ulardan biri “Men uzoq vaqt taʼtilga chiqaman” deb ketdi. Hamma turlicha ish tutdi. Qoʻrqib ketgan, tushunmaganlar ham bor va ular davlat dushmani emas. Qoʻshiqchi boʻlsangiz, siyosatda hech narsani tushunmaysiz. Siz yaxshi qoʻshiq kuylashingiz lozim. NATOning kengayishini tushunishga majbur emassiz”, – deydi Peskov.
Matbuot kotibining taʼkidlashicha, u “Vecherniy Urgant” telekoʻrsatuvi boshlovchisini oʻz fikrini bildirish huquqiga ega boʻlgan buyuk vatanparvar deb hisoblaydi. Lekin u oʻz fikrini televideniyeda aytmasligi kerak edi.
“Agar siz “Birinchi kanal” (Perviy kanal – Rossiya telekanali, -tahr.) boshlovchisi boʻlganingizda, hamma narsani tushunardingiz. Lekin bu holatda men Urgantni juda yaxshi bilaman. U buyuk vatanparvar. U oʻz nuqtai nazariga ega boʻlishi mumkin. Biroq, uni “Birinchi kanal”da olib chiqishga haqqi yoʻq edi. Lekin u bunday qilmadi. Shunday odamlar borki, nafaqat tushunmay, balki qoʻrqqanidan ham hokimiyatdan ayb qidiradi, harbiylarimizga hujum qila boshlaydi. Bular davlat dushmanlardir”, – degan prezident Matbuot kotibi.
Eslatib oʻtamiz, avvalroq Ivan Urgant Isroilga koʻchib ketishi haqidagi mish-mishlar tarqalgan, keyin esa bu xabarlar rad etilgan edi. Shu bilan bir qatorda, “Vecherniy Urgant” shousini yopish ham muhokama qilingan. Chunki shou jamoasi efirda Ukrainadagi hujumga qarshi chiqmoqchi boʻlgan, bu esa dasturning translyatsiya tarmogʻidan uzilishiga sabab boʻlgan.
Maʼlumot uchun, Rossiya ommaviy axborot vositalari va madaniyat arboblarining Rossiyadan chiqib ketishi ayni damda eng koʻp muhokama qilinayotgan mavzulardan biridir. Alla Pugacheva, Choʻlpan Xamatova, Zemfira va boshqalar allaqachon mamlakatni tark etgan. Biroq, baʼzi mashhurlar mamlakat uchun qiyin paytda Rossiyadan “qochishni” qoralamoqda va oʻzlari ham koʻchib ketishni rejalashtirmayapti.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!