Soʻnggi 7 yillik davr issiqlik darajasi boʻyicha insoniyat tarixidagi rekord koʻrsatkichni qayd etdi.

2021 yilda shu bilan bogʻliq bir nechta ekstremal hodisalar – Yevropa, Kanada, Oʻrtayer dengizidagi jazirama, Gretsiyadagi yongʻinlar sodir boʻlgan. Ekspertlar iqlim oʻzgarishlari tufayli kelgusida bu kabi holatlar soni koʻpayib borishini taʼkidlab oʻtishgan.

Tadqiqotlar davomida atmosferadagi zaharli gazlar konsentratsiyasining oshgani qayd etilgan. Karbonad angidrid gazining oʻrtacha darajasi millionga 141 zarra, metanning oʻrtacha darajasi milliardga 1876 zarrani tashkil qilgan.

Oʻtgan 10 yillik vaqt ichida havo harorati AQSh, Kanada, Grenlandiya, shimoliy Afrika va Yaqin Sharq hududlarida balandroq boʻlgan. Eng past harorat koʻrsatkichlari esa Alyaska, Antarktidaning ayrim hududlari, Avstraliya, gʻarbiy va sharqiy Sibir, Tinch okeanining markaziy va sharqiy qismlarida qayd etilgan.

• Tabiiy ofat
• tabiat
• tadqiqot