Amerikaning “SpaceX” kompaniyasi tadbirkor Ilon Maskni tanqid qilgan xodimlarni ishdan haydadi. Ular kompaniya rahbarining oʻzini tutishi xodimlarni uyalishga majbur qilayotgani, bu holat soʻnggi haftada yanada yaqqol namoyon boʻlayotganini bayon qilib ochiq xat yozishgan va uni tarqatib yuborishgan. Xatga aloqador boʻlgan xodimlarning barchasi darhol ishdan haydalgan.

Ochiq xatda Ilon Mask kompaniyaning bosh direktori va rahbari sifatida uning “yuzi” hisoblanishi, tadbirkor tomonidan yozilayotgan har bir tvit kompaniyaning rasmiy bayonotiga aylanib ketayotgani aytilgan.

Xat mualliflari kompaniya rahbariyatidan “SpaceX”ni Ilon Maskning shaxsiy brendidan ajratishni talab qilishgan.

Kompaniya direktori Gvinn Shotvell ushbu holatga “Qarshimizda shuncha muhim ish turganda haddan ortiq faollikka ehtiyoj yoʻq” deya izoh bergan.

Kompaniyaning nechta xodimi ishidan ayrilgani nomaʼlumligicha qolmoqda.

• Ilon_Mask
• SpaceX
• mashhurlar
• milliarderlar