Amerikaning SpaceX kompaniyasi Falcon 9 raketasi yordamida Turksat 5B aloqa sun’iy yo‘ldoshini orbitaga uchirdi. Bu haqida kompaniya saytida xabar berildi.
Qayd etilishicha, raketa joriy yilning 18-dekabr kuni AQShning Sharqiy sohillari vaqti bilan soat 22:58 da havoga ko‘tarilgan. Parvoz Florida shtatidagi AQSh harbiy-havo kuchlarining 40-sonli uchirish majmuasidan amalga oshirilgan.
Shuningdek, SpaceX sun’iy yo‘ldoshning uchirilishini YouTube’da translyatsiya qilgan.
Ma’lum bo‘lishicha, og‘irligi 4,5 tonna bo‘lgan sun’iy yo‘ldosh Turksat aloqa operatoriga raqamli televideniye hamda Turkiya, Qizil dengiz, O‘rtayer dengizi, Shimoliy va Sharqiy Afrika, Yaqin Sharq va Fors ko‘rfaziga keng internet ulanishini ta’minlash uchun zarur. Xususan, sun’iy yo‘ldosh 15 yil davomida xizmat qilishi kutilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!