AGMK futbol jamoasi Oʻrta Osiyo futboli yulduzlaridan biri sanalgan isteʼdod sohibi, tojikistonlik Alisher Jalilov bilan kelishuvga erishdi. Bu haqda klub matbuot xizmati xabar berdi.
Qayd etilishicha, faoliyatini Qozonning “Rubin” klubida boshlagan Alisher Jalilov maʼlum vaqt “Nefteximik” va “Baltika” jamoalari ham oʻynagan. 2019-yildan eʼtiboran esa Tojikistonga qaytgan va ketma-ket 3 mavsum “Istiqlol” jamoasi bilan mamlakat chempioniga aylangan.
Keltirilishicha, Alisher Jalilov futbolchilik faoliyati mobaynida Rossiyaning turli yoshdagi terma jamoalarida ham toʻp tepgan. Keyinchalik esa Jalilov Tojikiston milliy terma jamoasida oʻynashni maʼqul topgan va futbolchi 2019 yildan eʼtiboran Tojikiston milliy jamoasi aʼzosi sanaladi.
Maʼlumot uchun, Alisher Jalilov markaziy yarim himoyachi ampluasida oʻynaydi. Futbolchi faoliyati davomida jami 159 oʻyin oʻtkazgan va raqiblar darvozasiga 40ta gol kiritgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!