Oʻzbekiston Professional futbol ligasi odatga koʻra, har oy Coca-Cola Superliganing eng yaxshi murabbiy va futbolchisi, shuningdek, eng chiroyli golni aniqlab kelmoqda.
Oʻz navbatida, noyabr oyi natijalariga koʻra, “Bunyodkor” jamoasi bosh murabbiyi Shuhrat Maqsudov ortda qolgan oyning eng yaxshi murabbiyi deb topildi. Maqsudov jamoasi oʻtkazilgan 3 ta oʻyinning barchasida gʻalaba qozonishga muvaffaq boʻldi.
Oʻtgan oy Coca-Cola Superligada 4 ta oʻyinda maydonga tushib, 3 ta gol kiritgan Husain Norchayev (“Nasaf”) esa eng yaxshi futbolchi deb topildi.
Shuningdek, “Andijon” futbolchisi Muhammadkarim Toirovning AGMK jamoasi darvozasiga kiritgan toʻpi noyabr oyining eng chiroyli goli deya eʼtirof etildi.
Qayd etilishicha, munosiblarni tanlash boʻyicha voz berish jarayonida Coca-Cola Superliga klublari bosh murabbiylari va sardorlari hamda muxlislar ishtirok etishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!