Ma’lum bo‘lishicha, Suriyada yil boshidan beri 3746 kishi halok bo‘lgan, bu esa urush davom etayotgan oxirgi o‘n yildagi eng past ko‘rsatkich hisoblanadi.
Suriya inson huquqlari monitoring markazi ma’lumotiga ko‘ra, halok bo‘lganlarning 1505 nafar tinch aholi vakillari, xususan, 360 nafari bolalardir. 297 kishining o‘limiga piyodalarga qarshi minalar va turli portlovchi moslamalarning portlashi sabab bo‘lgan.
Shuningdek, o‘tgan yili urush qurbonlari soni 6800 nafarni, 2019-yilda esa 10 mingdan ziyodni tashkil etgan edi. Umuman, oxirgi ikki yilda Suriyada to‘qnashuvlar nisbatan kamaygan. Hukumat kuchlari muxoliflar yig‘ilgan Idlibga vaqti-vaqti bilan hujumlar uyushtirib turibdi, biroq umuman olganda hududda Rossiya va Turkiyaning tashabbusi bilan joriy etilgan o‘t ochishni to‘xtatish rejimiga amal qilinyapti.
Ta’kidlanishicha, Suriyada urush boshlangandan beri yarim milliondan ziyod kishi halok bo‘lib, millionlab aholi esa qochqinga aylangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!