Surxandaryo viloyati DXX boshqarmasi xodimlari ayrim profillar egalari tomonidan jihodchilikni targ‘ib qiluvchi fayllar tarqatilayotganini aniqladi.

Rasmiylar munosabatiga ko‘ra, ular o‘z profillari orqali odamlarni ,,Birodarlar’’(jihodchilar)ga yordam berish, ularga qurol-yarog‘ olishiga ko‘maklashishga da’vat etishgan. Ovozli xabarlarda yig‘ilgan pullar kelajakda Abu Solih, Sodiq Samarqandiy kabilar chiqishi uchun xizmat qilishi bayon etilgan.

Din ishlari bo‘yicha qo‘mita xulosasiga ko‘ra, ushbu video va audiolar aqidaparastlik g‘oyalariga yo‘g‘rilgan, shuningdek bu fayllar O‘zbekiston Respublikasi hududiga olib kirish, saqlash, tayyorlash va tarqatish taqiqlangan materiallar sirasiga kiritilgan.

Jinoyat ishlari bo‘yicha Termiz shahar sud hukmiga ko‘ra, 13 nafar fuqaro 4 yil-u 8 oydan 10 yilgacha ozodlikdan mahrum qilingan. Bir nafar ayol kishi esa 5 yil muddatda ozodlikdan cheklangan.

• DXX
• Sud
• Surxondaryo
• Termiz