Surxondaryoda tibbiyot birlashmasiga ishga joylab qo‘yishni va’da qilgan qilgan shifokor ushlandi. Bu haqda
Surxondaryo viloyati IIB axborot xizmati xabar berdi.
Qayd etilishicha, joriy yilning 21-iyul kuni Surxondaryo viloyatining Qumqo‘rg‘on tumanida tuman IIB Jinoyat qidiruv boshqarmasiga Jarqo‘rg‘on tumanida yashovchi, R.Sanobarning (ism shariflar o‘zgartirilgan)nomidan ariza kelib tushgan.
Shundan so‘ng, ushbu arizaga asosan, viloyat IIB Jinoyat qidiruv boshqarmasi xodimlari tomonidan tekshiruv ishlari olib borilgan.
Tekshiruv davomida aniqlanishicha, 27-iyun kuni tumanning “Imomtepa” mahallasida yashovchi N.Nuriddin isimli fuqaro boshqa bir R.Sanobar isimli fuqaroni o‘zi shifokor bo‘lib ishlaydigan Qumqo‘rg‘on tumani tibbiyot birlashmasiga qarashli dispanserga farrosh vazifasiga ishga kiritib qo‘yishga va’da bergan.
Buning evaziga R.Sanobardan 3.300.000 so‘m so‘ragan. Aslida esa u bunday vakolatga ega bo‘lmagan.
Shundan keyin, aytilgan pullarni olgan vaqtida huquq tartibod organi xodimlari tomonidan ashyoviy dalillar bilan ushlangan.
Xabarga ko‘ra, ushbu holat yuzasidan O‘zbekiston Respublikasi Jinoyat kodeksining 168-moddasi 1-qismi bilan jinoyat ishi qo‘zg‘atilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!