22 dekabr kuni ijtimoiy tarmoqlarda “Dizayn” jamoasiga nisbatan sud qarori ijrosi taʼminlanmayotgani haqida tarqalgan xabarga nisbatan majburiy ijro byurosi rasman munosabat bildirdi.
Maʼlum boʻlishicha, fuqarolik ishlari boʻyicha Uchtepa tumanlararo sudining 07.05.2021 yildagi daʼvogar S.S. ning javobgarlar (Dizayn jamoasi vakillari) D.M., Q.K., A.M. va S.F.ga nisbatan pul mablagʻlarini va foiz summasini undirish haqidagi daʼvo arizasiga asosan daʼvogar S.S. ning foydasiga solidar tartibda 315.815.400 soʻm pul mablagʻlari, 7.389.215 soʻm foiz summasi, 12.928.184 soʻm davlat boji, jami 336.132.799 soʻm undirish boʻyicha ijro varaqasi 2021 yilning 16-17 dekabr kunlari Bosh prokuratura huzuridagi Majburiy ijro byurosi organlariga hududiy tuman boʻlimlariga yuborilgan.
Aniqlanishicha, qarzdor S.F.ning yashash manzili Yunusobod tumanida boʻlganligi sababli, ijro varaqasi Byuroning Yunusobod tuman boʻlimiga kelib tushgan.
Boʻlim tomonidan Oʻzbekiston Respublikasi “Sud hujjatlari va boshqa organlar hujjatlarini ijro etish toʻgʻrisida”gi Qonunning (bundan keyingi oʻrinlarda Qonun deb yuritiladi) 23-moddasiga asosan ijro ishi qoʻzgʻatish hamda Qonunning 421-moddasiga asosan javobgarga nisbatan Oʻzbekiston Respublikasi hududidan chiqish huquqlarini vaqtincha cheklash toʻgʻrisidagi qarorlari qabul qilingan.
Qarzdor S.F. ning nomiga rasmiylashtirilgan mol-mulklarni aniqlash maqsadida, Oʻzbekiston Respublikasi Qonunning 21, 87-moddasiga asosan tashkilotlarga soʻrovnomalar yuborilgan boʻlib, uning hech qayerda ishlamayotganligi aniqlanib, nomiga rasmiylashtirilgan avtotransport vositalariga notarial holatlarni amalga oshirolmaslik uchun barcha taqiqlar qoʻyilgan.
Shuningdek, boʻlimi tomonidan 22.12.2021 yilda ijro hujjatidagi qarzdorlikni ijrosini toʻliq taʼminlanishi uchun qarzdor S.F. ning nomiga rasmiylashtirilgan avtotransport vositalariga qidiruv eʼlon qilinib, Toshkent shahar IIB YXXB boshligʻiga harakatda boʻlgan avtotransport vositalarini jarimaga maydoniga joylashtirish boʻyicha qarori qabul qilingan.
Qarzdor M.A.ning ham yashash manzili Yunusobod tumanida boʻlganligi sababli, ijro varaqasi Byuroning Yunusobod tuman boʻlimiga kelib tushgan.
Byuroning Yunusobod tuman boʻlimi tomonidan Qonunning 23-moddasiga asosan ijro ishi qoʻzgʻatish hamda Qonunning 421-moddasiga asosan javobgarga nisbatan Oʻzbekiston Respublikasi hududidan chiqish huquqlarini vaqtincha cheklash toʻgʻrisidagi qarorlari qabul qilingan.
Xususan, qarzdor M.A.ning nomiga rasmiylashtirilgan mol-mulklarni aniqlash maqsadida, Qonunning 21, 87-moddasiga asosan tashkilotlarga soʻrovnomalar yuborilib, qarzdorlikni undirish boʻyicha ijro harakatlari olib borilmoqda.
Bundan tashqari, javobgarning nomiga rasmiylashtirilgan avtotransport vositalariga notarial holatlarni amalga oshirolmaslik uchun barcha taqiqlar qoʻyilgan.
Shuningdek, boʻlimi tomonidan 22.12.2021 yilda ijro hujjatidagi qarzdorlikni ijrosini toʻliq taʼminlanishi uchun qarzdor M.A. ning nomiga rasmiylashtirilgan avtotransport vositalariga qidiruv eʼlon qilinib, Toshkent shahar IIB YXXB boshligʻiga harakatda boʻlgan avtotransport vositalarini jarimaga maydoniga joylashtirish boʻyicha qarori qabul qilingan.
Qarzdor Q.K.ning yashash manzili Chilonzor tumanida boʻlganligi sababli, ijro varaqasi Byuroning Chilonzor tuman boʻlimiga kelib tushgan.
Ijro harakatlari davomida fuqarolik ishlari boʻyicha Uchtepa tumanlararo sudining 20.08.2021 yildagi xatiga asosan ijro harakatlari toʻxtatilgan.
Mazkur ijro hujjati yuzasidan fuqarolik ishlari boʻyicha Uchtepa tumanlararo sudining 11.11.2021 yildagi ijro harakatlarini davom ettirish toʻgʻrisidagi xati boʻlim ish yurituviga 19.11.2021 yil kuni kelib tushgan.
Qarzdorga nisbatan chiqish huquqlarini vaqtincha cheklash toʻgʻrisida qaror qabul qilinib, qarzdorga tegishli 2 ta avtotransport vositasiga va 1 ta koʻchmas mulkka taqiq qoʻyilgan.
Qarzdor D.M.ning yashash manzili Chilonzor tumanida boʻlganligi sababli, ijro varaqasi Byuroning Chilonzor tuman boʻlimiga kelib tushgan.
Ijro harakatlari davomida fuqarolik ishlari boʻyicha Uchtepa tumanlararo sudining 20.08.2021 yildagi xatiga asosan ijro harakatlari toʻxtatilgan.
Mazkur ijro hujjati yuzasidan fuqarolik ishlari boʻyicha Uchtepa tumanlararo sudining 11.11.2021 yildagi ijro harakatlarini davom ettirish toʻgʻrisidagi xati boʻlim ish yurituviga 19.11.2021 yil kuni kelib tushgan.
Qarzdorga nisbatan chiqish huquqlarini vaqtincha cheklash toʻgʻrisida qaror qabul qilinib, qarzdorga tegishli 1 ta avtotransport vositasiga taqiq qoʻyilgan. Hozirda ijro harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!