“Saroy javohiri” serialidagi Tangem roli bilan kino muxlislariga yaxshi tanish boʻlgan koreyalik aktrisa Li Yong E Ukraina xalqiga 100 million von (83 ming AQSh dollari) miqdorida xayriya qildi. Aktrisa shu yoʻl bilan Ukraina xalqini qoʻllab-quvvatlashini bildirgan.
Ijodkor tomonidan Instagram sahifasida eʼlon qilingan postda xayriya cheki va Li Yong Ening ukrainaliklarga atab yozgan maktubini koʻrish mumkin. “Urush faxriysining oilasida voyaga yetgan inson sifatida harbiy mojarolar dahshatini boshqalarga qaraganda koʻproq his qilaman. Ukrainadagi urush tez orada yakun topadi degan umiddaman, barchaning xavfsizligi va farovonligi uchun duo qilib qolaman. Tinchlik tarafdori boʻlgan Koreya fuqarosi sifatida ushbu kichik sovgʻa orqali oʻz qalbimning bir parchasini sizga yuboryapman. Xudo yor boʻlsin”, deyiladi aktrisaning maktubida.
Ukrainaning Janubiy Koreyadagi elchisi Dmitriy Ponomarenko Li Yong Ega Ukraina xalqini qoʻllab-quvvatlagani uchun minnatdorchilik bildirgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!