22°
Kechasi 10°
TDT turkiy dunyoni birlashtiruvchi va yaqinlashtiruvchi nufuzli platformaga aylanishi kerak va turkiy dunyoda integratsiyani mustahkamlash borasida olib borilayotgan ishlar ko‘lamini butun dunyo jamoatchiligiga ko‘rsatish zarur. Bu haqda bugun, 11-noyabr kuni Qozog‘iston prezidenti Qosim Jomart To‘qayev Turkiy davlatlar tashkiloti Samarqand sammiti dorasida so‘zlagan nutqida aytib o‘tdi.
“Tashkilotimiz faoliyatini ommaviy axborot vositalari orqali faol targ‘ib qilishimiz zarur. Biz turkiy dunyoda integratsiyani mustahkamlash borasida olib borayotgan ishlar ko‘lamini butun dunyo jamoatchiligiga ko‘rsatishimiz kerak. Bu ishni yetakchi xalqaro agentliklar va mamlakatlarimiz ommaviy axborot vositalari ishtirokida amalga oshirish mumkin.
Tan olish kerakki, tashkilotimiz faoliyati bilan hamma ham yaxshi tanish emas. Аyni paytda turkiy hamkorlik g‘oyasi jahon hamjamiyatining eʼtiborini tobora ortib bormoqda. Dunyoning turli burchaklarida turkiy sivilizatsiya tarixiga oid qimmatli dalillar tobora ortib bormoqda.
Bu xalqlarimizning umumiy merosidir. Shu bois mavjud tarixiy va lingvistik manbalarni o‘rganish va tizimlashtirishni muhim vazifa, deb bilaman. Ilmiy muassasalar o‘rtasida faol hamkorlikni yo‘lga qo‘yishimiz, ularning tadqiqot natijalarini jahon hamjamiyatiga yanada kengroq taqdim etishimiz zarur. Tashkilotimiz faoliyati faqat diplomatik sammitlar va yakuniy hujjatlar imzolanadigan uchrashuvlar bilan cheklanib qolmasligi kerak. TDT turkiy dunyoni birlashtiruvchi va yaqinlashtiruvchi nufuzli platformaga aylanishi kerak, deb hisoblayman” — dedi Qozog‘iston Prezidenti.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
