Ilon Maskning Tesla kompaniyasi Formula SAE poyga elektromobillari jamoalariga homiylik qilishni va ularni bepul akkumulyatorlar hamda chegirmali uskunalar bilan ta’minlashni boshladi.

Qayd etilishicha, Tesla ushbu Formula SAE tanlovlarida qatnashgan sobiq talabalarni ko‘p bora ishga qabul qilgan.

Formula SAE — bu talabalar musobaqasi bo‘lib, unda jamoalar poyga avtomobili prototipini loyihalashtirishi va sinovdan o‘tkazishi kerak. So‘nggi o‘n yil ichida muhandislik fakulteti talabalari jamoalari orasida ayniqsa elektromobillar mashhur bo‘lgan.

Tesla kompaniyasining mexanik muhandisi Jon Furtadoning so‘zlariga ko‘ra, Tesla kompaniyasining ba’zi xodimlari musobaqada ko‘ngilli bo‘lib qatnashgan va poygalarda elektromobillarning ko‘pligidan hayratda qolgan. Shu sababli, Tesla poyga jarayonida ishtirok etishga va ba’zi jamoalarga bevosita homiylik qilishga qaror qilgan.

“Teslaning dunyoni barqaror energiyaga o‘tkazish jarayonini tezlashtirish bo‘yicha missiyasi doirasida biz universitet talabalari jamoalarini butun dunyo bo‘ylab Formula SAE va Formula Student musobaqalarida elektromobillarni yaratishga intilishlarini qo‘llab-quvvatlaymiz”, - degan Gʻarbiy Vashington universitetining sobiq talabalaridan biri.

Xabarga ko‘ra, Tesla talabalarga jamoalarga qanday homiylik qilish bo‘yicha bir nechta variantni taklif qilgan. Ular 1000 tagacha Tesla akkumulyatorlari komponentlari yoki maxsus prototip komponentlarini ishlab chiqarishga buyurtma berish uchun 80 foizgacha chegirma olishlari mumkin.

Bundan tashqari, Tesla homiylik ostidagi jamoalarga o‘z loyihalarini dunyodagi yetakchi elektr quvvati muhandislari bilan ko‘rib chiqish imkoniyatini beradi hamda loyihalash va tasdiqlash jarayonida talabalarni kerakli maslahat, ko‘rsatmalar bilan ta’minlashi qayd etilgan.

• Elektromobil
• Ilon_Mask
• Tesla