TikTok ijtimoiy tarmogʻi foydalanuvchilarga izohlar boʻlimida “dizlayk” qoldirish imkoniyatini beruvchi yangi funksiyani sinovdan oʻtkaza boshladi. Platforma vakillarining aytishicha, ushbu yangilik videoga aloqador boʻlmagan spam va xabarlarni izohlar tasmasida pastroqqa tushirishga yordam beradi.
Sinov jarayonlari 13 mart sanasidan boshlangan. Shu tariqa ayrim hududlarda yashovchi foydalanuvchilar oʻzlariga yoqmagan yoki nooʻrin deb bilgan izohlarini belgilash imkoniyatiga ega boʻlganlar.
Platformaning rasmiy vakillari ushbu funksiya izohlar boʻlimidagi doimiy faollikni taʼminlashiga umid qilmoqdalar.
Maʼlumotlarga koʻra, maʼlum bir izohga bosilgan “dizlayk” uni qoldirgan odamga koʻrinmaydi. Zoʻravonlikka undash, haqorat mazmunidagi izohlar uchun esa “Shikoyat qilish” tugmasidan foydalanish imkoniyati saqlanib qoladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!