“Astoriya Grande” hashamatli laynerining birinchi sayohati 16-iyul kuni boshlanadi. Jo‘nab ketish joyi – Sochi dengiz porti.
Kruiz turizmi sohasida yetakchi bo‘lgan turk kompaniyasi “Miray Cruises” insonlarni o‘zlari orzu qilgan sayohatga taklif qiladi. Uning floti Qora va O‘rta yer dengizlarida xalqaro kema sayohatini amalga oshiradigan birinchi toifali “Astoriya Grande” layneri bilan to‘ldirildi. Birinchi sayohat dasturi Turkiyaning eng go‘zal shaharlarini o‘z ichiga olgan: rang-barang Istanbul, Ayasofiya, Sinop, bir paytlar ajoyib arxeologiya muzeyi bo‘lgan yunon mustamlakasi, mashhur Cheshme kurorti, Trabzon, shuningdek, Egey dengizidagi kichik orol.
Kruizning davomiyligi 7-14 kun. Bu shuni anglatadiki, bu vaqt davomida sayohatchilar chegaralarni kesib o‘tish va shaharlar o‘rtasida harakatlanish, mehmonxonalar va ekskursiyalarni oldindan band qilish, yaxshi restoranlarni qidirishdan tashvishlanmasa ham bo‘ladi. Bunga “Miray Cruises” va “Astoriya Grande” ekipaji allaqachon hozirlik ko‘rib qo‘ygan. Buning uchun sayohatchilarga viza ham kerak emas.
Uzunligi 193,3 m bo‘lgan layner 37,4 km/soat tezlikka ega. “Astoriya Grande” bu suv bo‘yidagi haqiqiy shahar-mehmonxona, unda hamma narsa mavjud: qulay kabinalar, panoramali platformalar, sport zali, kutubxona, restoranlar, konsert zali va hokazo. Axir, kruizga chiqqan har bir kishi o‘ziga xos narsani orzu qiladi: hayajonli dengiz manzaralari, qadimiy shahar bo‘ylab sayohat yoki bortda to‘xtovsiz o‘yin-kulgi qilish.
Premium qulaylik
Kema bortida umumiy 593 ta kabina mavjud bo‘lib, shaxsiy palubali to‘rtta qirollik xonasi, 12 ta kichik kabina va 32 ta xususiy balkonli xonalar bor. Harakati cheklangan odamlar uchun sakkizta maxsus kabina mavjud. Kema 1328 nafar yo‘lovchini qabul qila oladi. Barcha mehmonlarga ko‘p tilda so‘zlashuvchi malakali xodimlar xizmat qilishadi.
Individual yondashuv
“Astoriya Grande” bortida sayohatchilar o‘z odatlaringizni o‘zgartirmasdan ham yaxshi dam olishi mumkin. Faol turmush tarzi tarafdorlariga yoga va stretching mashg‘ulotlari, shuningdek, ochiq havoda yugurish yo‘lakchasi taklif etiladi. Jamoaviy o‘yinlarini yaxshi ko‘radiganlar uchun voleybol va basketbol maydonchalari ham mavjud.
Sog‘lom ovqatlanish tarafdorlari uchun vegetarian, glyutensiz, laktozasiz, past kaloriyali taomlar, shuningdek, bolalar uchun maxsus menyu ishlab chiqilgan. Mijozlar O‘rta yer dengizi, Italiya va an’anaviy rus oshxonasi taomlarini tanlash imkoniga ega. Bortda uchta restorandan tashqari, beshta mavzuli musiqa barlari, professional ovoz va yoritish uskunalari bilan jihozlangan to‘liq rejimli tungi klub mavjud. Har kuni kechqurun mehmonlar 800 o‘ringa mo‘ljallangan konsert zalida ko‘ngilochar dasturni tomosha qilish imkoniga ega.
Bolalar uchun o‘yin xonalari, ijodiy zona, virtual attraksionlari bo‘lgan zal qurilgan. Hatto, tibbiy maslahat uchun tibbiy markazning sertifikatlangan mutaxassislariga murojaat qilish mumkin. Agar kerak bo‘lsa, ular birinchi yordam ko‘rsatishadi.
Shaffof narx belgisi
Bu ham sayohatning muhim afzalligi. Kompaniya veb-saytida tanlangan salon turiga qarab kruiz narxi aniq ko‘rsatilgan, shuningdek, qo‘shimcha to‘lov talab qilinadigan xizmatlar ro‘yxati keltirilgan. Ular, ekskursiyalar, kurort xizmatlari, bar ichimliklari, enagaga buyurtma berishni o‘z ichiga oladi. Ammo “to‘liq pansion” tizimida ovqatlanish, kundalik ko‘ngilochar dasturlar, animatorlar bilan bolalar klubi, fitnes markazi va kurort zonasidan cheksiz foydalanish uchun qo‘shimcha pul sarflash shart emas. Bortda xalqaro to‘lov kartalari orqali xarid amalga oshirish mumkin.
“Astoriya Grande” sayohatni hush ko‘ruvchilar uchun yaxshi imkoniyat. Chunki O‘rta yer va Qora dengiz bo‘ylab ulkan kemada sayr qilish bir umr yodda qoladigan voqelikdir.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!