Afg‘onistonda hokimiyatni egallagan toliblar avtomobillarda musiqa yoqishni va hijobsiz ayollarni mashinaga o‘tqazishni taqiqladi. Bu haqida “Kabul News” xabar bergan.

“Islom diniga yo‘naltirish vazirligi nashrga haydovchilarga musiqa yoqmaslik va hijobsiz ayollarni mashinaga o‘tqazmaslik haqida yozma tavsiya berilganini tasdiqladi”, deyiladi xabarda.

Avvalroq, mamlakatdagi mehmonxonalardan birining egasi toliblar Afg‘onistondagi to‘ylarda jonli musiqani taqiqlaganini, endi erkaklar va ayollar turli zallarda bayram qilishlari kerakligini aytgan edi.
Ma’lumot uchun, mamlakatda hokimiyatni egallagan toliblar, 19-avgust kuni Afg‘oniston Islom Amirligini tuzdi. Joriy yilning 6-sentyabr kuni “Tolibon”ga bo‘ysunmay turgan yagona viloyat – Panjsher egallangach, 7-sentyabr kuni harakat rahbarlari muvaqqat hukumatni shakllantirdi.

Kabul News’ning yana bir xabarida aytilishicha,“Tolibon” Tashqi ishlar vazirligi vakili avtomobillarda musiqa qo‘yish va hijobsiz ayollarni olib yurish taqiqlanganini tasdiqlagan.

• Afg‘oniston
• Toliblar