“Tolibon” harakati tomonidan Afg‘oniston Tashqi ishlar vaziri etib tayinlangan Amirxon Muttaqiy qaysi davlatlar bilan yaxshi munosabatlar o‘rnatilganini aytib o‘tdi. Bu haqda “TOLO news” nashri xabar berdi.
Uning so‘zlariga ko‘ra, Islom Amirligi barcha davlatlar bilan muvozanatli aloqalarni saqlab qolgan.
Qayd etilishicha, mamlakat Pokiston, Hindiston, Xitoy, Eron, Tojikiston, O‘zbekiston, Turkiya, Rossiya, Saudiya Arabistoni va boshqa arab davlatlari bilan yaxshi munosabatda.
“Biz mazkur munosabatlarda muvozanatni saqlab qolganmiz”, – deydi Muttaqiy.
Ta’kidlanishicha, Islom Amirligi xalqaro hamjamiyat talablariga ijobiy javob bermaguncha, xorijiy davlatlarning Afg‘oniston bilan aloqalari yaxshilanmaydi.
Tashqi aloqalar bo‘yicha ekspert Javid Sangdilning so‘zlariga ko‘ra, ular barchaga Afg‘oniston bu davlatlar uchun raqobat maydoni emasligini isbotlash uchun neytral siyosat olib borishi kerak.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!