Toshkent metropoliteni o‘quvchilar, talabalar va nafaqaxo‘rlarga qulaylik yaratish maqsadida yana oylik yo‘l chiptalari chiqarishni rejalashtirmoqda.

“Toshkent metropoliteni yo‘lovchilarga qulayliklar yaratish, xizmat ko‘rsatish sifatini oshirish, kassalar oldidagi tirbandlikni bartaraf etish maqsadida qo‘shimcha, faqat metroda nafaqadagi, nogiron, talaba, o‘quvchilarning imtiyozli yurish huquqini kafolatlaydigan oylik yo‘l chiptalari sotuvga chiqarilishi rejalashtirilmoqda” – deyiladi Toshkent metropolitenining telegram kanalidagi xabarda.

Metropoliten shu ma’noda so‘rovnoma o‘tkazgan, agar natijalar ijobiy bo‘lsa, 2022-yil fevral oyidan boshlab metro yo‘lovchilari uchun chegirmalar, imtiyozlar qo‘llangan va arzon bo‘lgan oylik chiptalar chiqarilishi boshlanadi.

Eslatib o‘tamiz, transport uchun qog‘oz oylik yo‘l chiptalari chiqarish joriy yilning 1-fevralidan to‘xtatilgandi.

• Metro
• Toshkent