Ijtimoiy tarmoqlardaitarqalgan avtomobil eshigi tutqichichiga qulf ilingani va unga xat qistirilgani aks etgan foto va videolar ko‘plab muhokamalarga sabab bo‘lmoqda. Toshkent shahar IIBB holat yuzasidan munosabat bildirdi.
Qayd etilishicha, Toshkent shahar IIBB tomonidan o‘tkazilgan tekshiruv va o‘rganishlar natijasida shahar IIBB va uning quyi tizimlariga bu kabi holatlar yuzasidan murojaat kelib tushmaganligi aniqlangan.
“Hurmatli poytaxtimiz aholisi va mehmonlari! Agar siz bilan shu kabi holat sodir bo‘lgan bo‘lsa yoki shu kabi holatga duch kelsangiz, shuningdek ushbu shaxs haqida biror ma’lumotga ega bo‘lsangiz 71-206-42-54 yoki 102 raqamlariga qo‘ng‘iroq qilishingizni, yoki 97-778-99-65 telegramm raqami orqali xabar berishingizni yohud yaqin oradagi ichki ishlar bo‘limiga murojaat qilishingizni so‘raymiz”, – deyiladi xabarda.
Qayd etish mumkin, xabarlarda Toshkentda firibgarlikning yangicha, antiqa usuli paydo bo‘lgani, avtomobilga qulf ilib ketilib, unda raqami yozilgan kartaga pul tashlansa, kod aytilishi va shu orqali pul undirilayotgani aytilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!