Toshkent viloyatida 12 yoshli maktab o‘quvchisini poyezd urib ketdi. Bu haqda IIV Transport va turizm obyektlarida xavfsizlikni ta’minlash boshqarmasi bergan ma’lumotga tayanib, “UzNews.uz” xabar berdi.
Qayd etilishicha, joriy yilning 11 sentyabr kuni 6-sinf o‘quvchisini Jaloir-Kuchluk temir yo‘l uchastkasining 20-kilometrida poyezd bosib ketgan. Bola voqea joyida olgan tan jarohatlari oqibatida hayotdan ko‘z yumgan.
Shundan so‘ng, o‘quvchi tahsil olgan 23-maktabda huquq-tartibot idoralari xodimlari o‘quvchilar bilan profilaktik suhbat o‘tkazgan va ularni temir yo‘lning belgilanmagan joylaridan kesib o‘tish xavfli ekanligidan ogohlantirgan.
Avvalroq, Qashqadaryoda 3 yoshga to‘lmagan nodavlat MTT tarbiyalanuvchisi poyezd ostida qolib ketgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!