Toshkent shahar Ichki ishlar bosh boshqarmasi xabar berishicha, joriy yilning 1-yanvaridan 30-noyabrigacha bo‘lgan vaqt oralig‘ida piyodalar ishtirokida 524ta yo‘l-transport hodisasi sodir bo‘lgan.
Ma’lum qilinishicha, yanvar-noyabr oylarida poytaxtda sodir bo‘lgan YTHlar oqibatida 32 kishi olgan tan jarohatlari tufayli halok bo‘lgan. Shuningdek, 487 kishiga turli darajadagi badan shikastlari yetgan.
“Bu kabi fojialar har doim ham haydovchilar aybi bilan sodir bo‘lmaydi: ba’zida piyodaning o‘zi belgilangan qoidalarni buzib, yo‘lda kutilmagan omilga aylanmoqda”, – deya xabar bermoqda IIBB xodimlari.
Qayd etilishicha, 2021-yil 11 oyi davomida yo‘l harakati qoidalarini buzgan piyodalarga nisbatan jami 101 ming 861 ta ma’muriy bayonnoma rasmiylashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!