Ertaga, 8-yanvardan Toshkentda dzyudo boʻyicha xalqaro oʻquv-mashgʻulot yigʻini boshlanadi. Bu haqda Oʻzbekiston dzyudo federatsiyasi xabar berdi.
Qayd etilishicha, Poytaxtdagi “JAR” sport sogʻlomlashtirish majmuasida oʻtkazilishi rejalashtirilgan qoʻshma mashgʻulotlarda Rossiya, Avstriya, Livan, Hindiston, Moʻgʻuliston, Qozogʻiston, Qirgʻiziston davlati terma jamoalari ishtirok etadi.
Shuningdek, mazkur xalqaro oʻquv-mashgʻulot yigʻiniga Rossiya Federatsiyasining Checheniston Respublikasidan ham dzyudochilar kelishi kutilmoqda.
Ushbu xalqaro oʻquv-mashgʻulot yigʻini ishtirokchi davlat terma jamoalariga 2022-yilgi dzyudo mavsumi uchun ilk tayyorgarlik bosqichi vazifasini oʻtab beradi.
Keltirilishicha, bu yil qitʼamiz dzyudochilarini Xitoyda oʻtkaziladigan Osiyo oʻyinlari, dunyo sportchilarini esa aynan Toshkent shahri mezbonlik qiladigan jahon chempionati kutib turibdi.
Maʼlum qilinishicha, xalqaro oʻquv-mashgʻulot yigʻini 25-yanvarga qadar davom etadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!