Toshkent shahridagi maktablarning birida o‘qituvchi o‘quvchini kaltakladi. O‘qituvchi ayol javobgarlikka tortilgan.

Qayd etilishicha, mazkur holat joriy yil 2-mart kuni poytaxtdagi maktablardan birida sodir bo‘lgan. O‘qituvchi tomonidan kaltaklangan bola 8-sinfda o‘qishi ma’lum bo‘ldi.

“Mazkur holat biologiya darsida sodir bo‘lgan. O‘qituvchi dars boshlamoqchi bo‘lgan, ammo kaltaklangan o‘quvchi telefonini olib yonidagi sinfdoshlarini rasmga olgan. Muallim o‘quvchisini bir necha marotaba ogohlantirgan. Ammo u ushbu harakatini davom ettiravergan. Shundan so‘ng pedagog bolaning telefonini olib qo‘ygan. U esa bunga qarshilik ko‘rsatib, ustoziga gap qaytargan. O‘qituvchi esa jahli chiqib o‘quvchini kaltaklagan” – deydi maktab xodimi.

Ma’lum qilinishicha, Yashnobod tumani sudida o‘qituvchiga oid ma’muriy sud ishi ko‘rib chiqilgan. Sud qaroriga ko‘ra, o‘qituvchi Ma’muriy javobgarlik to‘g‘risidagi kodeksning 183-moddasida nazarda tutilgan huquqbuzarlikni sodir etganlikda aybli deb topilgan.

Unga nisbatan bazaviy hisoblash miqdorining 3 baravari miqdorida jarima jazosi tayinlangan.

• Maktab
• Toshkent
• Yunusobod tumani