Poytaxtimizda yangi sport tashkiloti – “Skeyt O‘zbekiston” assotsiatsiyasini ta’sis etish bo‘yicha konferensiya o‘tkazildi
Kecha, 9-noyabr kuni Toshkentda “Skeyt O‘zbekiston” assotsiatsiyasini ta’sis etish bo‘yicha Konferensiya bo‘lib o‘tdi. Unda soha mutaxassislari, “Skeyt O‘zbekiston” assotsiatsiyasini tashkil etish bo‘yicha tashabbuskorlar guruhi va Milliy olimpiya qo‘mitasi vakillari ishtirok etishdi.
Konferensiyada quyidagi masalalar ko‘rib chiqildi:
- Skeyt O‘zbekiston” assotsiatsiyasi nomi bilan yangi sport tashkilotini tuzish;
- “Skeyt O‘zbekiston” assotsiatsiyasining Nizomini tasdiqlash;
- “Skeyt O‘zbekiston” assotsiatsiyasining raisi, o‘rinbosarlari va bosh kotibini saylash.
Konferensiyada “Skeyt O‘zbekiston” assotsiatsiyasi raisi etib, bir ovozdan Aziz Ahmedov hamda bosh kotib lavozimiga Kamol Usmonov saylandi.
Shuningdek, konferensiyada yangi tashkil etilayotgan assotsiatsiya oldida turgan masalalar hamda istiqbolli rejalar yuzasidan kelishib olindi.
2021-yilda skeytbordingning ikki yo‘nalish bo‘yicha Tokio-2020 yozgi Olimpiya o‘yinlari musobaqalari o‘tkazildi. Ushbu sport turi 2024-yilda Parijda bo‘lib o‘tadigan yozgi Olimpiya o‘yinlari dasturiga kiritilgan.
Shuningdek, o‘zbekistonlik skeytbordchilar uchun Parij-2024 olimpiadasiga 12ta litsenziya olish imkoniyati mavjud.
Ma’lumot uchun: “Skeyt O‘zbekiston” assotsiatsiyasi quyidagi sport turlarini o‘z ichiga oladi:
Skeytbording,
Rollerda konkida uchish,
Rollerda figurali uchish,
Rollerda yuqori tezlik,
Rolikli konkida erkin uslub, shuningdek, erkin slalom,
Rollerda xokkey,
Roller derbi,
Skuter, shuningdek, erkin skuter.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!