Toshkentda Yevropa ittifoqi delegatsiyasining O‘zbekistondagi yangi ofisi ochildi.

Kecha, 28-oktyabr kuni Toshkentda YeI delegasiyasining O‘zbekistondagi ofisi ochilishi marosimida ishtirok etgan Yevropa Kengashi Prezidenti Sharl Mishel Prezident Shavkat Mirziyoyev bilan samarali va konstruktiv muzokara bo‘lib o‘tganini ta’kidlagan.

Qayd etilishicha, Shavkat Mirziyoyevning siyosiy va iqtisodiy islohotlarni amalga oshirish, barqarorlikni ta’minlash borasidagi sa’y-harakatini yuksak baholagan.

Uning ta’biricha, O‘zbekiston rahbarining islohotlarni davom ettirish yo‘lidagi qat’iy siyosiy irodasi alohida e’tiborga loyiq. Iqtisodiyotni rivojlantirish, inson huquqlariga rioya qilish va demokratiyani chuqurlashtirish sohalarida katta natijalarga erishilgan.

“Biz inson huquqlari masalasini muhokama qildik, O‘zbekiston Prezidenti qonun ustuvorligini mustahkamlashga doir sa’y-harakatlarni davom ettirishga tayyor ekanini bildirdi. “O‘zbekiston mintaqada tinchlik va barqarorlikni mustahkamlash, savdo va kooperasiya aloqalarini kengaytirish borasidagi ko‘plab tashabbus va g‘oyalar muallifidir”, – dedi Sh.Mishel.

• O‘zbekiston
• Shavkat Mirziyoyev
• Yevropa
• Yevropa Ittifoqi