Toshkentdan Termizga uchgan samolyot Buxoroga qo‘ndirildi
“Uzbekistan Airways” holat yuzasidan rasmiy izoh berdi.
Bugun, 11 sentyabr kuni Toshkentdan Termizga uchgan samolyot noqulay ob-havo sharoiti sabab Buxoro a’roportiga yo‘naltirilgani haqida xabarlar tarqalgan edi. “Uzbekistan Airways” holat yuzasidan ma’lumot berdi.
Aviakompaniya Toshkent–Termiz yo‘nalishi bo‘yicha HY-065 reysi Termiz shahridagi ob-havo sharoiti (kuchli qum shamoli) tufayli o‘z yo‘nalishini o‘zgartirib, Buxoro xalqaro a’roportiga qo‘nganini tasdiqladi.
Qayd etilishicha, hozirda 124 nafar yo‘lovchi Buxoro xalqaro ayeroportida bo‘lib turibdi. Termiz shahrida ob-havo o‘zgarishi bilan HY-065 aviaqatnovi belgilangan yo‘nalish bo‘yicha amalga oshiriladi.
“Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz”, – deyiladi xabarda.
Avvalroq, “FlightRadar24” ma’lumotlariga ko‘ra HY-065 yo‘lovchi reysi Termiz aeroportidagi noqulay ob-havo sharoiti – kuchli shamol va chang bo‘roni tufayli Buxoro shahridagi zaxira aeroportga yo‘naltirilgani aytilgan edi. Samolyot soat 7:40 da Toshkentdan uchgan va soat 9:00 da Buxoro aeroportiga qo‘ngan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!