Prezidentning “Toshkent shahar jamoat transporti tizimini yanada rivojlantirishga doir qo‘shimcha chora-tadbirlar to‘g‘risida”gi qaroriga muvofiq Toshkentning ayrim ko‘chalarida pullik to‘xtash joylari tashkil qilinadi.
Mazkur hujjat bilan Hukumatga avtomobillarning avtomatlashtirilgan yo‘l bo‘yi pullik to‘xtash joylarini tashkil etish tartibini belgilovchi tegishli qarorni qabul qilish vazifasi qo‘yildi.
Shuningdek, 2022-yil 1-noyabrga qadar Toshkent shahrining 10 ta markaziy ko‘chasida davlat-xususiy sheriklik asosida avtomobillarning avtomatlashtirilgan yo‘l bo‘yi pullik to‘xtash joylarini tashkil etish lozimligi belgilandi.
Xususan, “Fidokor”, “Amir Temur”, “Nukus”, “Bratislava”, “Mirobod”, “Glinka”, “Avliyoota”, “Shevchenko”, “Said Baraka”, “Moshtabib” va “Yakub Kolas” ko‘chalarida pullik xizmatlar yo‘lga qo‘yiladi.
Shuningdek, mazkur loyiha doirasida davlat-xususiy sheriklik asosida tadbirkorlik sub’yektlari mablag‘lari hisobidan mazkur maqsadlar uchun 2 ta parkon (maxsus avtotransport), 2 ta evakuator va 57 ta parkomatlar xarid qilinadi.
Toshkent shahar hokimligi, Qurilish va Ichki ishlar vazirliklariga 2022-yil 1-mayga qadar 2022 — 2026-yillarda 80 ta ko‘p qavatli avtoturargohlarni tashkil etish bo‘yicha takliflar ishlab chiqish va Vazirlar Mahkamasiga kiritish topshirig‘i berildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!