Madaniyat va sanʼatni rivojlantirish jamg‘armasi Toshkent shahrining tarixiy mahallalarini, ularning noyobligi va madaniy-tarixiy merosini asrab-avaylash bo‘yicha o‘z ishlarini davom ettirmoqda hamda Eski shahar hududida art-rezidensiyalar yaratish tashabbusini ilgari surmoqda.
Loyiha dizayn-konsepsiyasi jahon talablarini inobatga olgan holda Marokashdagi “Studio KO” meʼmorchilik byurosi bilan hamkorlikda ishlab chiqiladi. Ushbu loyiha Alisher Usmanovning “Sanʼat, ilm va sport” hayriya jamg‘armasi ko‘magida amalga oshiriladi.
Mahalliy va chet ellik sayyohlar ichun ijodiy maskanni tashkil etish bo‘yicha Toshkent shahri Olmazor tumanida joylashgan ikkita obyekt tanlab olindi.
Birinchi obyekt “Namuna” mahallasida joylashgan, anʼanaviy meʼmoriy ko‘rinishi saqlab qolingan hamda qayta taʼmirlangan “Matkarimboy” madrasasi bo‘lib, ushbu manzil ijodiy maydon yaratish uchun xizmat qiladi. Ikkinchi obyekt esa eski bolalar bog‘chasi – “Hast Imom” mahallasida joylashgan.
Toshkentdagi art-rezidensiyalar zamonaviy sanʼat markazining taʼlim yo‘nalishi uchun platforma hamda mahalliy va xalqaro ijod vakillari o‘rtasida hamkorlik uchun xizmat qilishi taʼkidlanmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!