Toyota fevral oyida dunyo bo‘yicha aksariyat zavodlarini yopishga tayyorlamoqda. Bu esa kompaniyaning joriy yil 31-martga qadar 9 million dona avtomobil ishlab chiqarish rejasini yo‘qqa chiqaradi.
Zavodlarning yopilishi joriy yilda avtomobil sanoatida kuzatilayotgan elektron komponentlarning tanqisligi bilan bog‘liq. Mazkur sabablar bilan Toyota fevral oyida 700 ming dona avtomobil chiqaradi, bu esa rejalashtirilganidan 160 ming dona kamdir.
Ishlab chiqarish to‘xtatilayotgan zavodlarning yarmi Yaponiyada, qolganlari esa xorij davlatlarida. Mahalliy zavodlardagi cheklovlar Toyota Prius, RAV4, C-HR va Camry, shuningdek, Lexus modelidagi – LS va IS sedanlari, NX va UX krossoverlariga ta’sir qiladi.
Toyota dastlab 2022-yilning 31-martigacha 9,3 million dona avtomobil ishlab chiqarishni rejalashtirgan edi. Biroq 2021-yil o‘rtalarida elektron komponentlar zaxiralari tugashi ushbu raqamning qisqarishiga olib kelgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!