Turkiyaning Gretsiya bilan chegarasi yaqinidagi hududdan 12 nafar shaxsning sovuqda muzlab qolgan jasadi topildi. Kecha, 2-fevral kuni Turkiya Ichki ishlar vaziri Sulaymon Soylu Twitter’dagi sahifasida mamlakat shimoli-g‘arbidagi Ipsala chegara shahri yaqinidan topilgan 12 nafar jasadning suratlarini e’lon qildi. Xiralashtirilgan tasvirlarda yo‘l bo‘yida yotgan jasadlarning havo sovuq bo‘lishiga qaramay juda yupun kiyimda, futbolka va shortiklarda bo‘lganini ko‘rish mumkin.
Sulaymon Soylu suratga qoldirgan izohida Gretsiya tomonini qochoqlarning kiyimlarini yechib olib, atayin shu ahvolda ortga qaytarib yuborganlikda ayblamoqda.
“Gretsiya chegarachilari 22 muhojirdan 12 nafarini kiyim va poyabzallarini yechib olib, ortga qaytarib yubordi. Yevropa Ittifoqi chorasiz, zaif va insoniy tuyg‘ulardan mahrum. Gretsiya chegara bo‘linmalari FETO’ga (Mevlut Chavusho‘g‘li Fetullahchi terror tashkiloti nazarda tutilmoqda) toqat qilgani holda, qurbonlarga qarshi kurashmoqda”, deb yozadi Turkiya ichki ishlar vaziri.
Ma’lumki, 2016-yilning 15-iyulida Turkiyada davlat to‘ntarishi uyushtirishga uringan FETO a’zolariga Gretsiya hukumati boshpana bergandi. Suleyman Soylu yuqoridagi twit orqali ana shu holatga ishora qilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!