Turkiyalik arxeologlar qazishma ishlari natijasida bundan 2000 yil avval bronzadan yasalgan harbiy yorliqni qoʻlga kiritishdi. U 20 yil davomida armiyada xizmat qilgan Kalsiliy Antik ismli askarga tegishli boʻlgani aniqlangan.

Yorliq Turkiyaning Adiyaman viloyatidagi Perre shahridan topilgan.

“Ushbu mukofot askarga milodiy 123 yilda, Rim imperatori Adrian boshqaruvi davrida topshirilgan”, deydi Adiyaman arxeologiya muzeyi direktori Mehmet Alkan. Mutaxassisning aytishicha, oʻz vaqtida bu kabi yorliqlardan 100 mingtasi tayyorlangan, ammo ularning aksariyat qismi keyinchalik yoʻq boʻlib ketgan.

Arxeologlar tomonidan qoʻlga kiritilgan bu kabi yorliqlarning umumiy soni 800 taga teng, ularning 650 tasi esa mutaxassislar tomonidan toʻliq oʻrganib chiqilgan.

• Tarix
• qiziqarli